تہران ، اسلام آباد (ویب ڈیسک) بھارتی شہریوں کو سیکیورٹی خدشات کی وجہ سے تہران چھوڑنے کی ہدایت کی جاچکی ہے اور اب پاکستان نے بھی ایران سے غیرضروری عملہ واپس بلانے کا فیصلہ کرلیا۔
دفتر خارجہ کےسینیئر عہدیدار نے بتا یا ہے کہ سفارتی عملے کے خاندانوں کو ایران سے نکالا جا رہا ہے اور کچھ غیر ضروری عملہ بھی ایران سے واپس بلایا جا رہا ہے تاہم تہران میں پاکستانی سفارتخانہ اور قونصل خانے معمول کے مطابق کام کرتے رہیں گے اور ایران میں موجود پاکستانی مشن بدستور فعال رہیں گے۔
خیال رہے کہ گزشتہ دنوں اسرائیل نے ایران پر حملہ کیا تھا جس کے نتیجے میں اعلیٰ عسکری قیادت اور متعدد ایٹمی سائنسدان شہید ہوئے۔ اس کے بعد سے دونوں ممالک کے درمیان جنگ جاری ہے اور اسرائیلی حملوں میں اب تک 227 افراد شہید ہوچکے ہیں۔
سورس: پاک رپورٹ ڈاٹ پی کے