راولپنڈی (پاکستان نیوز آن لائن)فیلڈ مارشل عاصم منیر اور امریکی صدر کی ملاقات کا اعلامیہ جاری کردیا گیا۔
پاک فوج کی شعبہ تعلقات عامہ آئی ایس پی آر کے مطابق فیلڈ مارشل سید عاصم منیر کی امریکی صدر ڈونلڈٹرمپ سے ملاقات ہوئی،اعلیٰ سطح ملاقات وائٹ ہاؤس کے اوول آفس میں ہوئی،امریکی صدر نے فیلڈمارشل کے اعزاز میں کیبنٹ روم میں ظہرانہ دیا،اعلیٰ سطح کی ملاقات کابینہ روم میں ظہرانے کے موقع پر ہوئی،ملاقات کے بعد اوول آفس کا دورہ کیا گیا، امریکی وزیر خارجہ سینیٹر مارکو روبیو بھی ملاقات میں موجود تھے،مشرق وسطیٰ امور کے امریکی خصوصی نمائندے اسٹیوونکوف بھی ملاقات میں موجود تھے،فیلڈ مارشل عاصم منیر کے ساتھ پاکستان کے قومی سلامتی کے مشیر ملاقات میں شریک تھے۔
آئی ایس پی آر کے مطابق ملاقات میں آرمی چیف نے پاکستان اور اس کے عوام کی جانب سے صدر ٹرمپ کا شکریہ ادا کیا، آرمی چیف نے صدر ٹرمپ کی اقوام عالم کے چیلنجز سمجھنے کی قائدانہ صلاحیتوں کو سراہا، آرمی چیف نے صدر ٹرمپ کی عالمی چیلنجز سے نبردآزما ہونے کی صلاحیتوں کو بھی سراہا۔
آئی ایس پی آر کے مطابق صدرٹرمپ نے پاکستان کی علاقائی امن و استحکام کیلئے جاری کوششوں کو سراہا،صدرٹرمپ نے انسداد دہشتگردی میں دونوں ممالک کے درمیان مضبوط تعاون کی تعریف کی،دونوں جانب سے انسداد دہشتگردی کے شعبے میں مسلسل تعاون کے عزم کا اعادہ کیاگیا، ملاقات میں تجارت ، معدنیات، مصنوعی ذہانت، توانائی کے شعبوں میں دو طرفہ تعاون پر بات چیت ہوئی،کرپٹو کرنسی سمیت کئی شعبوں میں بھی دوطرفہ تعاون پر بات چیت ہوئی۔
آئی ایس پی آر کے مطابق صدر ٹرمپ نے پاکستان سے طویل مدتی سٹریٹجک اشتراک پر مبنی شراکت داری میں دلچسپی کااظہارکیا،صدر ٹرمپ نے پاکستان کے ساتھ مشترکہ مفادات پر مبنی تجارتی شراکت داری میں بھی دلچسپی کااظہارکیا۔
آئی ایس پی آر کے ملاقات میں ایران اوراسرائیل کے درمیان جاری کشیدگی پر بھی تفصیلی تبادلہ خیال ہوا، دونوں رہنماؤں نے ایران اور اسرائیل تنازعے کے پرامن حل کی اہمیت پر زوردیا،صدر ٹرمپ نے مشکل علاقائی حالات میں فیلڈ مارشل عاصم منیر کی قیادت اور فیصلہ کن کردار کو سراہا۔
آئی ایس پی آر کے مطابق آرمی چیف نے پاکستانی حکومت کی جانب سے صدر ٹرمپ کو مناسب موقع پر دورہ پاکستان کی دعوت دی۔
ایک گھنٹے کی شیڈول ملاقات 2گھنٹوں سے زیادہ جاری رہی،ملاقات پاک امریکا دیرینہ شراکت داری کو مزید مضبوط بنانے کی کوششوں میں اہم سنگ میل ہے۔
You might also like